Scéim na bhFáinní

Tugann Scéim na bhFáinní deis do dhaltaí idir 11 agus 18 bliain d’aois cáilíocht aitheanta a bhaint amach don leibhéal Gaeilge atá acu. Tá mar bhunaidhmeanna ag an scéim:

• aitheantas agus moladh a thabhairt do dhaltaí as a gcuid staidéir sa Ghaeilge
  
• dul chun cinn na Gaeilge a spreagadh agus a neartú sna scoileanna
  
• fáinne / teastas a bhronnadh ar na daltaí de réir mar is cuí

 Tá tábhacht ag baint leis an Ghaeilge mar ábhar scoile ag leibhéal GCSE, AS, nó A-Leibhéal ó thaobh an chultúir agus an oideachais de. Aithníonn gach ollscoil sna hoileáin seo stádas na Gaeilge mar ábhar scoile (Ollscoileanna Oxford agus Cambridge san áireamh). Tá borradh agus méadú ó thaobh deiseanna fostaíochta de ag baint leis an Ghaeilge. Cén fáth nach mbíonn baint agat féin leis an fhorbairt seo? Déan staidéar ar theanga a leathnóidh do pheirspictíochtaí, a dhoimhneoidh do chur amach ar do chultúr féin agus a bheidh mar cháilíocht luachmhar oideachais agat.

CLICEÁIL ANSEO LE NUACHT SCÉIM NA bhFÁINNÍ A FHEICEÁIL